HL 380

1. BLY BY MY HEER, TERWYL DIE SKADU'S DAAL.
   LAAT TANS U LIG MY PAD BESTRAAL.
   DAAR IS GEEN ANDER HULP OF TROOS VIR MY -
   HULP VAN DIE HULPELOSE BLY MY BY !

2. MY LEWENSDAG BEGIN ALREEDS TE KWYN,
   SY VREUGDE EN SY GLANS IS AAN VERDWYN,
   VERAND'RING EN BEDREF IS RONDOM MY - 
   O HEER WAT NOOIT VERANDER, BLY MY BY! 

3. EK VRA NIE NET 'N ENKEL WOORD, O HEER,
   MAAR, SOOS MET U DISSIPELS VAN WELEER,
   DAT U GEDULDIG, MINSAAM OOK BY MY
   SAL INKOM EN VERTOEF, EN STEEDS SAL BLY !

4. O, KOM TOG NIE MET MAJESTEIT EN SKRIK,
   MAAR MET U VREDE EN LIEFDE WAT VERKWIK;
   KOM MET U HART VOL TRANE MEDELY -
   KOM SO, O SONDAARSVRIEND, EN BLY BY MY !

5. U HET MY, HEER, VAN JONGS AF STEED BEHOU,
   AL WAS EK SOMS OPSTANDIG EN ONTROU;
   SOOS EK VAN U, WAS U NOOIT VER VAN MY;
   WIL TOT DIE EINDE DAN NOG BY MY BLY !

6. U BYSTAND HET EK NODIG IEDER UUR;
   DEUR U GENADE ALLEEN KAN EK VERDUUR;
   WAAR IS 'N BETER GIDS OM MY TE LEI
   DEUR WOLK EN SONSKYN AS U AAN MY SY ?

7. EK VREES GEEN KWAAD, MET U TOT HULP BEREID;
   SORG BAAR GEEN ANGS, DIE TRAAN GEEN BITTERHEID;
   DOOD HET GEEN ANGEL, GRAF GEEN SKRIK VIR MY;
   EK SEëVIER, WANT, HEER, U BLY BY MY !

8. VERTOON U KRUIS, HEER, AAN MY STERWENDE OOG;
   SKYN DEUR DIE SKEEMRING, WYS MY NA OMHOOG;
   REEDS DAAG DIE LIG, VAN AARDSE SKADU'S VRY -
   O, BLY DEUR DOOD EN LEWE, HEER, BY MY !